韓國睇相文化

Hello，大家好，我哋係由韓國人每日提供最新韓國旅行資訊嘅Creatrip。

韓國好耐以前唔少女仔都會貪靚，只要臉上有墨，就會想去脫，不過而家反而覺得唔脫更有魅力，而且就算冇墨都會用眼線筆畫上去。早前有一個報導話，只要臉上墨喺「特別」位置就會行好運，大家又會唔會中呢？

韓國臉上睇相文化

1. 眼下面

스타일엑스

톱스타뉴스

好似穗珍同泫雅咁，眼下面都有粒墨。唔少人都話眼下面有墨即係性感嘅象徵，不過喺韓國有個講法係可以解釋有「桃花運」，有咗呢粒墨可以吸引到唔少異性，亦有一個講法係，眼下面有墨嘅人情感特別豐富，性格好、善解人意。

2. 臉頰

중앙일보

인사이트

喺韓國有個講法係臉頰有墨即係俾人一種「可愛感」，所以唔少韓妹都鍾意喺臉中間畫一粒假墨增添可愛。同時亦有解釋話臉頰有墨即係「인싸」（Insider/人氣王），身邊都多朋友，而且會好受歡迎。

3. 鼻

1boon

BH Entertainment

鼻上有墨被稱為「美人墨」，唔少藝人鼻上都有，最出名嘅一定係全智賢同韓佳人。鼻上有墨亦代表有「財運」，唔少人都好羨慕。

4. 人中

인사이트

韓國睇相專家話：「人中有墨嘅人，性格多數都係心地善良，而且唔太識講大話。」同時如果墨係喺近嘴嘅話，更旺配偶運同子女運。

5. 嘴下面

嘴唇下面有墨，除咗俾人一種性感感覺之外，同時增添唔少魅力，因為喺嘴附近，所以被認為好有食相。

以上5個部位有墨，都被韓國人認為係最有魅力同時最行運，基本上以上5個位有都唔會去脫，而且會有種越望越有魅力。唔知大家又有冇呢？大家又覺得準唔準呢？

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com