韓國人血型睇性格
香港人信星座，韓國人信血型，到底A、B、AB、O型到底係咩性格？
황요산
2 years ago
Hello，大家好，我哋係由韓國人每日每日提供最新韓國旅行資訊嘅Creatrip。
香港人鍾意睇相、星座、占卜等，但大家又知唔知韓國人只係信血型嘅呢？佢哋好多時都會睇人性格去估對方係咩血型，唔知今日介紹4種血型，大家又覺得準唔準呢？
血型睇性格
1. A型
A型嘅人：
- 好識照顧人，好感性，所有事都鍾意事前計劃好。
- 成日都會為好多事去擔憂，明明好多時都好著緊，但會扮到一啲事都冇。
- 會因為好小嘅事而喊，容易覺得寂寞，有心事一定會同人講，希望有人會聽佢同可以俾意見。
- 只要對方先接近自己，好快就會熟落，同時好易信人，人講咩佢都會好易信。
- 雖然睇落去好易蝦，但其實一啲都唔易欺負。
- 好有妒忌心同時又會好易呷醋。
2. B型
B型嘅人：
- 比起理性，佢哋係感性派。
- 好有責任感，應承咗人嘅嘢一定會做。
- 只要對有興趣嘅事，就一定會努力做足100分。
- 就算幾辛苦同幾唔願意做都好，都會一力承擔。
- 肚餓嗰陣，個人會特別敏感。
- 做人比較小心，唔太鍾意同人講自己嘅私事。
- 好少會覺得寂寞，好鍾意享受自己一個人嘅時間，同時好鍾意幻想。
- 講到要報仇，冇人夠B型人惡。
3. AB型
AB型嘅人：
- 愛恨分明，只會對鍾意嘅人撒嬌。
- 想像力豐富，成日都會不停喺度諗嘢。
- 有一種神秘魅力，令人會想繼續去了解佢。
- 只要同佢一friend就會一世，只要一熟，就會好易同對方講，好感性會成日喊。
- 就算唔開心或幾辛苦都好，都會扮到若無其事。
- 鍾意人哋關心，但唔鍾意人多事。
4. O型
O型嘅人：
- 個性直率，愛恨分明，唔會有中間。
- 唔鍾意人無視佢，對於某些事會好執著，唔鍾意同人鬧交。
- 好有Leader風範，交友範圍廣，鍾意得到大家嘅認同 。
- 好鍾意搞笑，係所有人嘅開心果，同時係義氣仔女。
- 只要一唔開心，塊臉會寫哂出嚟。
- 只要一有嘢食喺前面，所有唔開心嘅事都可以一下就忘記。
唔知大家睇完又覺得準唔準呢？定都係覺得星座更準呢？歡迎留言話俾小編聽！
如果有更多想知嘅內容，都可以隨時留言或者dm話俾我哋知：）
Instagram：creatrip.hk