景福宮韓服 | 今純堂

Hello，大家好，我哋係由韓國人每日提供最新韓國旅行資訊嘅Creatrip。

景福宮係以前韓國朝鮮時代皇帝嘅生活同辦公空間，而家成為遊客嚟韓國玩嘅必去景點，亦都有好多朋友會想租返套靚韓服影相留念！今日就等小編介紹一間超高質韓服租借鋪俾大家啦！

撳我睇價錢&預約詳情👇🏻

景福宮「今純堂」資訊

韓服租借

• 地址：서울 종로구 북촌로5가길 33 201호
• 營業時間：09:00 - 21:00

韓服韓屋外拍、韓服室外拍攝

• 地址：서울 종로구 북촌로7길 3-13
• 營業時間：星期一至六 09:00 - 18:50

景福宮「今純堂」參考圖片

韓服租借 - 韓服體驗

韓服租借 - 唐衣

韓服室外拍攝

韓屋外拍

傳統韓國禮服拍攝

景福宮「今純堂」介紹

韓服室外拍攝

今日小編同朋友一齊嚟咗「今純堂」租韓服同影相！除咗有專業拍攝服務之外，呢度嘅韓服亦都出曬名設計夠靚品質夠好，等小編帶埋大家一齊去睇吓啦！

一入到去就會見到幾個明星簽名同新聞報道，就咁睇都知道呢都有幾出名啦！

再行入少少就會見到有好多韓服，當中好多都係pastel tone ，呢種比較淺色嘅糖果色系俾人一種更加高級嘅感覺！

而小編今日就決定著唐衣，佢比起一般韓服上身衫會再長啲，加上花紋都比較貼近傳統韓服，著起嚟會更加優雅~

揀好衫之後就可以入更衣室，著韓服之前首先要著咗打底褲同內襯裙先，如果唔識著職員都會教大家，唔需要擔心！著完之後會令韓服睇落更加蓬鬆，線條更加優雅！更衣室入面亦都有張紙寫住注意事項同指示，大家可以參考。

著好之後就可以叫職員幫你著埋剩低嗰幾件衫！著韓服其實比想像中複雜，所以真係需要有人幫手！

著好韓服之後就可以去set頭啦！坐低之後職員就會俾你揀整邊款髮型，亦都會按照你揀嘅韓服推薦俾你！

呢度有好多髮飾，真係睇到人眼花繚亂！經驗豐富嘅職員好快手就幫小編整好咗個髮型，再加埋假髻就完成啦！雖然有少少重，不過好好睇，影相應該會更加上鏡！

著完韓服、整完頭髮之後大概就會係呢個感覺，比起平時租嘅韓服更加蓬鬆優雅，而且小編覺得呢套韓服個顏色好靚！

如果想攞手袋或者想加添配飾都可以趁而家揀，記住要揀啲襯返你件韓服嘅飾物啦！

著埋韓服布襪同花鞋就終於大功告成啦！雖然成個過程都用咗唔少時間，不過就係因為有咁多detail先令「今純堂」嘅韓服更加與眾不同！而且仲有好sweet嘅職員幫手，所以都唔會好辛苦。

小編今日同朋友打算影友情照，所以揀咗兩件同款唔同色嘅韓服，一齊出發去影相啦！

同攝影師會合之後就可以出發去景福宮！因為著韓服去景福宮可以免費入場，所以唔需要另外買飛！

影相中途攝影師都會俾大家大約睇睇個效果~小編想話專業嘅攝影師真係唔同啲，無論係相嘅構圖定顏色都好好睇！

而且因為攝影師專影韓服相，所以會有好多私家景點，大家只要跟住佢行就得㗎啦！

攝影師亦都會指導大家擺咩pose，所以就算平時唔太會影相嘅朋友們都可以影得自然。

當日天氣真係好好，小編都忍唔住用手機影返幾張留念XD 「今純堂」嘅韓服顏色唔會太sharp，但同時又好上鏡！

上面呢10張相就係P好圖之後嘅最終成品啦！呢次係小編第一次請攝影師影相，無論係背景、色調、韓服、pose、表情都好靚~

韓服韓屋外拍

小編另外一日就同咗另一位男性朋友去影傳統韓式婚禮相，不過就唔係去景福宮，而係去「今純堂」嘅自家韓屋Studio「彬彬齋」！

嚟到就好似自己租咗間韓屋咁，小編就咁用手機影都已經好靚，好期待喺專業攝影師操刀之下影出嚟嘅相會有幾好睇！

因為今日係影傳統婚禮相，所以要換成韓國傳統婚禮嘅時候會著嘅韓服。首先要著內襯裙同打底上身衫，比起上次著嗰套韓服，今次呢條內襯裙更加蓬鬆！

之後就要著裙，連裙都要著兩層，真係超detail！著好藍色裙之後上面要再著多層紅色裙，每著一層職員就會幫你再整理好裙嘅皺褶，好貼心。

然後就要著多2件上身衫，小編一邊換衫，一邊覺得點解著極都未完XD 不過因為「今純堂」呢套傳統婚禮服係按照博物館入面嘅韓服製作而成，還原返以前嘅服裝，所以真係超高質又像真！

之後就會去set頭，職員好細心咁幫小編扎好頭髮，然後再戴埋假髻同戴頭飾。雖然假髻都真係有返咁上下重量，不過唔整又好似會少咁啲嘢XD 如果大家有加購埋化妝服務，就會喺度化埋妝~ 成個效果真係好華麗！

而男仔亦都會先去換韓服，然後用髮網整理好頭髮，帶埋帽就準備就緒啦！

終於正式開始影相啦！入到去坐低之後職員會幫大家整理好件韓服，令影出嚟個效果可以更加靚！

喺韓國結婚嘅時候新娘子大曬XD 所以新娘會影多幾張單人相！雖然得自己一個人，但係因為套韓服真係好大同好colourful，所以完全唔會有畫面太空嘅感覺！

呢間韓屋都有唔少影相位，攝影師會教大家擺pose同表情，所以大家唔洗怕影出嚟會睇落好生硬同尷尬。

呢幾張就係最終成品啦！小編個人覺得幾cute，而且真係好有韓國傳統風情！如果大家都打算請攝影師幫大家影韓服相留念，非常推薦大家嚟韓國玩嘅時候預約「今純堂」嘅拍攝服務！

安國「今純堂」前往方法

韓服租借、韓服室外拍攝

喺安國站（안국역）2號出口出。

直行。

行到左邊出現第二條斑馬線嘅時候過馬路，然後向右邊行。

過馬路，然後向左邊行。

直行到見到emart24，轉入前面個路口。

喺上圖呢個位行入左邊巷仔。

直行。

繼續直行。

你會見到左邊有「今純堂」嘅招牌，行入去之後直行。

上2樓就到啦！

韓服韓屋外拍Studio

喺安國站（안국역）2號出口出。

直行。

行到左邊出現第二條斑馬線嘅時候過馬路，然後向右邊行。

過馬路，然後直行。

轉入左邊路口。

直行。

行入右邊巷仔。

咁就去到「今純堂」韓屋Studio啦！

撳我預約👇🏻

以上係景福宮「今純堂」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時留言或者dm話俾我哋知：）

✨Instagram：creatrip.hk

🔎Facebook：Creatrip 帶你認識韓國每一面 

Mail：help@creatrip.com