首爾市區去仁川機場可以搭直升機？
唔洗再同人逼或者怕塞車！今年內韓國將推出首爾市區去仁川機場嘅直升機服務！
Hello，大家好，我哋係由韓國人每日提供最新韓國旅行資訊嘅Creatrip。
平時喺首爾市區去機場，大家無非都係會去搭機場巴士、機場快線，或者會截的士同預約接送服務。不過最近有一間韓國公司宣佈，將會向大眾提供前往仁川機場嘅直升機服務！
想喺首爾市區去機場？你需要...
仁川機場直升機服務
한국경제
韓國UAM（Urban Air Mobility、都市空中運輸）服務開發公司MOVIATION日前宣佈，佢哋目前籌備緊來往首爾市區同仁川機場嘅直升機服務 —— VONAER，並確定會喺6月10號正式投入服務。
인천일보
平時喺蠶室揸車或者搭的士去仁川機場要1個半鐘左右，不過如果係搭直升機去，只需要20分鐘就可以去到，可以縮短接近四分之一嘅時間！
중앙일보
MOVIATION表示佢哋已經獲得蠶室漢江公園直升機停機坪同仁川機場一號客運大樓附近直升機停機坪嘅使用權，而提供上述服務嘅直升機可以坐到3-4個人，暫時估計每日會來回行駛4次。
한국경제
相信大家都會好奇到底要幾多錢，由蠶室搭去仁川機場單程要價₩440,000（440000），到時候乘客可以先喺位於江南嘅韓國都心空港嘅貴賓室等候，然後再搭接駁巴士去停機坪上機。
大家唔好以為得重要社會人物或者明星先可以搭，就算係普通市民都可以透過App預約！而且之後根據客戶需求，可能會新增金浦-蠶室、汝矣島-世宗市 、江南-世宗市等路線。
뉴시스
其實而家韓國大部份直升機機師都係同政府合作，通常都係會去撲滅山火同提供緊急移送服務，VONAER將會係韓國第一個向大眾提供直升機接駁服務嘅計劃。MOTIVIATION嘅CEO認為如果想將呢個服務變得更加大眾化，就需要修改現行法例，例如解除禁止夜間飛行同禁止經過總統辦公室上空等限制。
VONAER
如果呢個服務真係可以普及化，以後去機場就可以方便好多，仲唔洗去趕車逼地鐵！大家又有冇興趣搭呢？
如果你plan緊喺仁川機場出首爾...
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com