乙支路Cafe | COLECTIVO
韓屋concept超特別，呢間cafe仲有自家烘焙工坊？
Hello，大家好，我哋係由韓國人每日提供最新韓國旅行資訊嘅Creatrip。
「COLECTIVO」係一間喺漢南洞開始第一間分店嘅Cafe，佢哋早前喺乙支路開咗分店，大家終於唔洗走咁遠啦！裝修以韓屋為主題嘅呢間Cafe仲有一個自家烘焙工坊，每日都會新鮮製造麵包同甜品！而家只要Download我哋嘅coupon仲可以享有獨家優惠，記住唔好錯過啦！
用埋明洞美食優惠券更加可享雙重優惠！
香港人飛韓國玩一定會去明洞，而明洞除咗可以行街掃貨，其實仲有超多高質餐廳同Cafe！而家只要有一套明洞美食優惠券，即可享有16間餐廳&Cafe嘅獨家優惠同免費贈品！
「COLECTIVO」優惠：全部飲品8折
明洞美食優惠券 | ₩4,000 (4000) |
「COLECTIVO（乙支路Pine Avenue店）」資訊
- 地址：서울 중구 을지로 100 파인에비뉴 B동 1F
- 營業時間：星期一至五 07:30 - 23:00、星期六 10:00 - 23:00、星期日 09:00 - 22:00
- Last Order：星期一至六 22:30、星期日 21:30
- 語言：韓文、英文
「COLECTIVO（乙支路Pine Avenue店）」推薦原因
- 呢間COLECTIVO新分店2023年12月先新開張，裝修仲要係超特別嘅韓屋style！
- Cafe下面個層就有佢哋嘅自家烘焙工坊，幾時去都可以食到每日新鮮製造嘅麵包同甜品！
- 提供多款飲品同低咖啡因咖啡，更加有得揀轉燕麥奶，就算唔鍾意飲咖啡/奶都冇問題！
- 呢度仲有賣鎖匙扣、杯等等嘅週邊商品，佢哋個吉祥物真係好cute！
- 位於乙支路入口站附近，附近仲有酒店，交通夠方便！
- 只要下載Creatrip優惠券，消費滿₩5,000就可以免費得到一杯飲品同一個酥皮批！
「COLECTIVO（乙支路Pine Avenue店）」Menu
Menu | 價錢 |
燕麥夫人咖啡 | ₩5,300 |
蜜桃伯爵奶蓋奶茶 | ₩6,500 |
蒔蘿檸檬三文魚沙律 | ₩8,800 |
羅勒蕃茄鮮蝦酥皮批 | ₩6,500 |
藍莓乳酪酥皮批 | ₩6,500 |
香脆鹽麵包 | ₩3,600 |
椰菜花粟米忌廉湯 | ₩4,100 |
水果燕麥杯 | ₩4,300 |
※2023年12月價錢
「COLECTIVO（乙支路Pine Avenue店）」優惠及注意事項
- 消費滿₩5,000即可免費得到1杯燕麥夫人咖啡同1個酥皮批。
- 本優惠券只限於「COLECTIVO（乙支路Pine Avenue店）」使用。
- 唔可以轉做其他飲品，酥皮批可以自選1款（士多啤梨、橙、藍莓乳酪、榛子、羅勒蕃茄鮮蝦、煙肉芝士）。
- 唔需要事先預約。
- 如果用coupon嘅時候有任何疑問，可以send email到help@creatrip.com查詢。
「COLECTIVO（乙支路Pine Avenue店）」介紹
今日小編同朋友約咗喺「COLECTIVO」見面，呢間Cafe總店喺漢南洞，而家已經擴張到有11間分店，而且每間分店裝修同Menu都好有特色！小編去嘅乙支路Pine Avenue店位於乙支路3街站附近，喺明洞站行過去都唔遠！
「COLECTIVO」乙支路Pine Avenue店裝修以韓屋為主題，五顏六色好colourful！另外Menu韓英對照，就算唔識韓文都冇問題！
呢度仲有賣公仔、鎖匙扣、杯等等嘅週邊商品，佢哋個吉祥物真係好cute！
Counter隔離有個甜品櫃，入面有好多款蛋糕！因為小編有選擇困難症XD 所以就叫咗職員推薦幾款俾小編，職員話朱古力蛋糕、士多啤梨忌廉蛋糕同朱古力伯爵無花果蛋糕都好受歡迎！
而隔離係小編最期待嘅麵包櫃！因為呢度有自家烘焙工坊，所以麵包種類會多過普通Cafe，酥皮批、牛角包等等應有盡有，仲有最近好hit嘅鹽麵包！
最sweet嘅係佢哋有準備好刀叉，仲有多士爐俾大家烘熱麵包！
另外呢度仲有賣沙律、濃湯等等嘅餐點，大家可以直接喺呢度食個brunch！
只要download我哋嘅優惠券就可以免費得到一個酥皮批同一杯燕麥夫人咖啡，大家揀好自己要食嘅嘢之後，記住要夾多個酥皮批，俾錢嘅時候向職員出示優惠券就會直接幫你扣走相關款項！
優惠內容：1個酥皮批 + 1杯燕麥夫人咖啡
燕麥夫人咖啡係「COLECTIVO」嘅招牌Menu，其實就係用燕麥奶整嘅Latte！味道香濃又唔甜，好啱配埋甜品一齊食！
另外「COLECTIVO」乙支路Pine Avenue店最受歡迎嘅餐點一定唔少得酥皮批！呢度有賣6款批，有鹹有甜，大家可以根據喜好揀！等小編介紹其中3款俾大家啦~
士多啤梨酥皮批
士多啤梨酥皮批用嘅係新鮮士多啤梨，韓國冬天士多啤梨出面又甜又多汁，配埋脆口酥皮同香滑嘅cream，小編個人覺得非常唔錯！
羅勒蕃茄鮮蝦酥皮批
另一款想介紹嘅係羅勒蕃茄鮮蝦酥皮批，呢款係鹹批，入面超足料，好味得嚟食完一個真係會飽！
煙肉芝士酥皮批
小編本身以為呢款煙肉芝士酥皮批上面嘅係雞蛋，點知原來芝士下面係薯蓉，加埋煙肉同沙律醬好惹味，係小編最鍾意嘅口味！
如果大家plan行程嘅時候搵緊Cafe，或者想搵個環境靚嘅地方食返個brunch，推薦大家嚟「COLECTIVO」乙支路Pine Avenue店！記住要download埋優惠券領取免費咖啡同嘢食啦！
「COLECTIVO（乙支路Pine Avenue店）」前往方法
喺乙支路3街站（을지로3가역）12號出口出。
直行。
見到PINE AVENUE就可以行入去大廈入面。
入到去就會見到「COLECTIVO」！
點先可以享有「COLECTIVO(乙支路Pine Avenue店)」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係乙支路「COLECTIVO」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com