江南美容 | PLANS CLINIC
拉提+改善體型療程專門美容中心！喺江南可以用呢個價錢做高質醫美療程？
Hello，大家好，我哋係由韓國人每日提供最新韓國旅行資訊嘅Creatrip。
每年都有好多外國人會專程嚟韓國做醫美療程，而拉提療程同溶脂針係其中2個非常受歡迎嘅treatment！今日就等小編帶大家去一間位於江南嘅醫美中心體驗吓呢兩款療程啦！
江南「PLANS CLINIC」資訊
- 地址：서울 서초구 강남대로 419 B2F
- 營業時間：星期一至五 10:30 - 19:00、星期六 10:30 - 14:00
- 可預約時間：星期一至五 10:30 - 18:00；星期六 10:30 - 13:00（預約時段以30分鐘為單位）
- 語言：韓文、中文、簡單日文
江南「PLANS CLINIC」推薦原因
- 「PLANS CLINIC」係一間專門提供拉提同改善體型療程嘅美容中心，更加得到鈦金拉提開發公司Alma嘅官方認證！
- 透過進行1對1諮詢，充分瞭解客人要求，提供客製化療程！
- 平時喺江南做鈦金拉提需要130-170萬韓幣，不過喺呢度就可以用更加實惠嘅價錢體驗到！
- 呢度嘅溶脂針係由院長同韓國著名大學研究室合作研發而成，研究顯示有效減少達37%嘅脂肪細胞！
- 減肥藥效果有目共睹，獲得客戶一致好評！
- 有識講中文同日文嘅職員在場，就算唔識韓文都冇問題，而且仲可以透過佢哋嘅LINE (@plansjp)、Instagram (@plansclinic_official、@plansclinic_review)睇其他客人嘅評論同經驗！
江南「PLANS CLINIC」價錢
選項 | 部位 | 價錢 | 1小時內可預約人數 |
鈦金拉提療程（80KJ） [30分鐘] | 全臉、 顴骨~雙下巴 | ₩671,000 (671000) | 1人 |
臉部溶脂針 [30分鐘] | 臉頰、雙下巴 | ₩99,000 (99000) | 10人 |
身體溶脂針 [30分鐘] | 手臂、大腿、腹部 | ₩132,000 (132000) | 4人 |
減肥藥處方 （6星期） [10分鐘] | - | ₩22,000 (22000) | 10人 |
減肥藥處方 （12星期） [10分鐘] | - | ₩44,000 (44000) | 10人 |
※本頁面所標示嘅價錢以韓幣為準，港幣幣值會因應即時匯率而浮動。
※減肥藥價錢為處方金額，需要自行去藥局配藥及付款。
江南「PLANS CLINIC」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
江南「PLANS CLINIC」評論優惠活動
- 透過我哋預約同體驗後只要填寫評論，將可享有各種獨家優惠！
- 第一次幫襯：免費送Rejunran面膜
- 其後：免費溶脂針體驗（1個部位）
- 優惠隨時出現變動，實際優惠詳情請喺中心確認
| STEP 1. | 登入Creatrip網站之後，撳入「我的頁面」，確認預約記錄。 確認體驗完畢之後，撳右下角嘅「填寫評論」。  |
| STEP 2. | 評完分之後，請留低你對今次療程嘅評價同感想（需要upload埋相）。  |
| STEP 3. | 向職員出示你嘅評論記錄。  |
| STEP 4. | 享有獨家優惠好禮！ |
江南「PLANS CLINIC」注意事項
- 請最少喺3日前完成預約，你亦可以喺60日前進行預約。
- 只接受體驗3日前申請取消及進行退款，其後恕不受理。
- 體驗前如果希望進行諮詢，你可以喺營業時間內透過Instagram（@plansclinic_official）、Wechat（ID: plansclinic）、KakaoTalk（https://pf.kakao.com/_wxlxatxj/chat）聯絡「PLANS CLINIC」客戶服務中心。
- 請準確輸入所有資訊（特別係聯絡方式），以便確認訂單及作其他改動。
- 需要支付訂金預約方會成立，我哋會喺3個工作日內確認預約。
- 「PLANS CLINIC」喺周末同營業時間外時段唔會處理任何訂單，我哋會儘快喺下一個工作日幫你確認，請耐心等候。
- 預約成立後如果想更改訂單，請send email到help@creatrip.com查詢。
- 如遲到10分鐘或以上，預約將自動取消，訂金亦不設退還。
- 可以進行退稅，請務必攜帶護照。
- 如有其他疑問，請直接聯絡「PLANS CLINIC」客戶服務中心 [Instagram（@plansclinic_official）、Wechat（ID: plansclinic）、KakaoTalk（https://pf.kakao.com/_wxlxatxj/chat）]。
江南「PLANS CLINIC」預約流程
| STEP 1. | |
| STEP 2. | 請詳細輸入所有相關資訊及付款， 支付訂金後方會視為完成預約。 |
| STEP 3. | 我哋會喺3個工作天內確認預約。 |
| STEP 4. | 體驗當日請向職員出示預約憑證， 療程後亦需要支付扣除訂金後金額。 |
江南「PLANS CLINIC」體驗流程
- 落到地下2樓「PLANS CLINIC」，向櫃檯職員出示Creatrip預約憑證同護照。
- 喺大堂等叫名。
- 叫到你名之後，前往諮詢室進行1:1諮詢。
- 瞭解療程資訊（療程前程序、療程步驟及所需時間等）。
- 正式開始進行療程。
- 療程結束後，櫃檯職員會講解療程後注意同建議事項。
- 如有需要可以開藥單去買藥，或者預約下次覆診時間。
江南「PLANS CLINIC」療程介紹
鈦金拉提療程
3次後效果
| 簡介 | 1. PLANS CLINIC係一間專門提供拉提療程嘅美容中心，更加已經得到鈦金拉提開發公司Alma嘅官方認證！ 2. 根據客人要求分別使用拉提/修容模式或者緊緻/提亮模式進行療程，做一次都可以即時睇到效果！ 3.唔需要做麻醉或者搽麻醉藥膏，可以直接進行療程，痛楚程度其他坊間拉提療程低好多！ 4. 療程後可以直接化妝，完全唔會影響日常生活同你嘅旅程！ |
| 推薦對象 | 想瘦臉嘅你 想改善臉部皺紋問題嘅你 因為怕痛而唔夠膽做其他拉提療程嘅你 想同時提亮皮膚同增加皮膚彈力嘅你 想即時見到效果嘅你 |
| 注意事項 | 1. 如果會做其他皮膚療程（如Potenza、Juvelook、Rejuran等），一定要先做咗鈦金拉提療程，如果唔係會導致出現副作用；如果之前已經做咗其他皮膚療程，最少要隔2-3個禮拜先可以進行鈦金拉提療程。 2. 鈦金拉提療程痛楚唔大，所以事前唔需要做任何麻醉程序，不過如果想搽咗麻醉藥膏再進行療程，請事前通知職員。 |
鈦金拉提套餐（鈦金拉提療程 + 美白激光 + V line溶脂針 + 減肥藥處方）
鈦金拉提療程1次 + V Line溶脂針6次後效果
| 簡介 | 1. 增添美白激光，有助舒緩做完拉提療程之後嘅泛紅症狀，同時可享受美白效果！ 2.PLANS CLINIC嘅溶脂針已獲專利，有效溶解雙下巴脂肪，令臉部輪廓更加鮮明，達至瘦臉效果！ 3. 根據客人體型同健康狀態提供客製化處方減肥藥，有效減重及改善身體線條！ |
| 推薦對象 | 想同時做臉部拉提同消脂嘅你 有臉部下垂困擾嘅你 無論點減肥都減唔到特定部位嘅你 想快啲睇到療程效果嘅你 |
| 注意事項 | 1. 如果會做其他皮膚療程（如Potenza、Juvelook、Rejuran等），一定要先做咗鈦金拉提療程，如果唔係會導致出現副作用；如果之前已經做咗其他皮膚療程，最少要隔2-3個禮拜先可以進行鈦金拉提療程。 2. 鈦金拉提療程痛楚唔大，所以事前唔需要做任何麻醉程序，不過如果想搽咗麻醉藥膏再進行療程，請事前通知職員。 |
溶脂針
V Line 溶脂針6次後效果
顴骨溶脂針6次後效果
手臂溶脂針6次後效果
腹部溶脂針3次後效果
大腿溶脂針6次後效果
| 簡介 | 1. 使用同韓國優秀大學研究室合力研發出嘅溶脂針，臨床實驗證明效果顯著，更加已經獲得相關專利！ 2. 可以弱化同破壞脂肪組織，同時令脂肪自然排除體外！ 3. 唔單止可以縮細脂肪細胞，更加可以減少細胞數量，帶嚟半永久性效果！ 4. 不含類固醇及PPC，亦得到KFDA/FDA認可，夠曬安全！ |
推薦對象 | 唔夠膽做抽脂手術嘅你 想靜靜雞變靚嘅你 無論點減肥都減唔到特定部位嘅你 唔夠時間減肥嘅你 |
注意事項 | 療程前請先簡單食少少嘢先去 療程當日請唔好著緊身衫或者淺色衫 |
三重激光套餐（三重身體激光 + 身體溶脂針 + 減肥藥處方）
三重身體激光 + 身體溶脂針6次後效果
| 簡介 | 1. 用溶脂針溶解脂肪，然後再用三重身體激光消除橙皮紋，塑造緊緻身體線條！ 2. 可以弱化同破壞脂肪組織，同時令脂肪自然排除體外！ 3. 三重身體激光唔單止可以消除橙皮紋，更加可以提升溶脂針藥物吸收效果，令效果更明顯！ |
推薦對象 | 想同時消脂同增加皮膚彈力嘅你 有浮腫同橙皮紋困擾嘅你 無論點減肥都減唔到特定部位嘅你 之前做過其他減肥療程但唔成功嘅你 |
注意事項 | 療程前請先簡單食少少嘢先去 療程當日請唔好著緊身衫或者淺色衫 |
減肥藥處方
服用處方減肥藥6星期後效果
| 簡介 | 1. 韓式減肥藥獲得客戶一致好評，效果顯著！ 2. 以改善體質為目標，為客人度身訂造計劃同提供處方！ 3. 有效燃燒脂肪、抑制吸收、排毒、消腫、調節食欲同血糖同改善體質！ 4. 曾經有日本KOL體驗過之後喺Twitter上面分享效果同感想，吸引唔少日本客人專程到訪！ |
| 推薦對象 | 好俾心機做運動但係忍唔到口嘅你 一到夜晚就好想食宵夜嘅你 想減肥但係唔夠膽做療程/手術嘅你 想配合溶脂針令瘦身效果更顯著嘅你 |
| 注意事項 | 根據處方會有分別，請細閲藥單上指示，職員亦會向你詳細講解 |
江南「PLANS CLINIC」介紹
今日小編嚟到位於江南站10號出口附近嘅「PLANS CLINIC」做美容療程！呢間美容中心出名做拉提療程同提供減肥藥處方，小編之前都有耳聞過，所以好期待今日嘅體驗！
「PLANS CLINIC」唔單止獲得各種專利同認證，而且更加積極同韓國優秀大學研究室合作研發美容技術，務求令療程效果可以放到最大！
去到之後首先要去櫃枱出示預約記錄同護照，之後就可以坐喺梳化等叫名。
做療程之前首先要卸妝，呢度有提供各種卸妝產品，仲有風筒、直髮夾、梳、毛巾等等，大家可以自由用！
準備好之後就可以入房進行1:1諮詢，專家會問大家平時有咩地方想改善，小編平時都有臉部線條唔均匀同手臂拜拜肉嘅煩惱，所以今次就決定做鈦金拉提套餐同三重激光套餐！因為一次過要做好多款療程，所以專家都會好仔細咁解釋每一個療程嘅特徵同注意事項俾大家聽，令小編都放心啲！
小編首先會做鈦金拉提療程，因為係獨立房，所以唔需要同其他人share一間房！瞓好之後職員就會幫大家整理好頭髮同包好毛巾。
之後院長就會入嚟再次確認療程部位，正式開始療程！
首先會喺臉上面搽gel，然後就會用機器進行療程。小編開始都怕會唔會痛，不過過程當中淨係會feel到暖暖地，完全唔痛！院長話因為外國人通常都好難再返嚟做treatment，所以會專登提高到100kj，令效果可以更明顯同持久。
做完之後塊臉會有少少紅，不過因為唔會有好明顯嘅印，所以完全唔會影響日常生活！
因為下一個會做療程嘅部位係手臂，所以要先去更衣室換衫！更衣室入面會幫大家準備好上身衫、褲同底褲，換好衫之後再著埋浴袍，然後將自己本身著嚟嘅衫放落儲物櫃就可以去療程室啦！
呢間療程室大過頭先嗰間，入面有幾張床，不過每張床都隔得好遠，而且都有窗簾隔開，所以唔需要太擔心。
頭先做完鈦金拉提塊臉會比較紅，職員會幫大家敷好面膜，然後用美白激光照大約15分鐘，令皮膚可以快速鎮靜，亦都會有美白效果。
之後就要打V Line溶脂針，大家見到小編表情就知道小編當時真係好緊張XD 因為係要溶解雙下巴脂肪，所以要專登整個雙下巴出嚟俾佢哋打針落去。始終因為係打針，所以比起頭先會痛好多，不過因為好快完，所以都算忍得到。
下一個療程係三重身體激光，癡好貼布之後就會正式開始！成個過程會feel到有5種力度嘅刺激，因為一開始力度比想像中大，所以都真係嚇咗一跳，但係習慣咗之後就還好~如果大家覺得太痛，可以同職員講，佢哋會幫你調節。
手臂溶脂針同頭先打落雙下巴嘅有少少唔同，首先會將針頭插落手臂，然後再通過喉管將藥物注入手臂。打完之後職員會幫大家癡好膠布，一開始打針嗰個位可能會有少少紅腫，不過好快就會消腫！
最後再去隔離藥局攞埋1:1調配嘅減肥藥就大功告成啦！大家記住藥錢同療程費用係分開嘅，所以去到藥局要另外再俾一筆藥錢~
小編好滿意今次喺「PLANS CLINIC」做療程嘅體驗，特別係因為服務好周到，而且療程套餐內容夠豐富，可以同時解決幾個小編一直都有嘅煩惱！如果大家平時都想試做韓國醫美療程，或者有相關煩惱，都不妨可以考慮嚟「PLANS CLINIC」體驗吓！
江南「PLANS CLINIC」前往方法
喺江南站（강남역）10號出口出。
直行。
過馬路，繼續直行。
你會見到左邊棟PAGODA TOWER，隔離就係「PLANS CLINIC」（無印良品大廈）。
入去上圖呢度門。
落樓梯。
咁就去到「PLANS CLINIC」啦！
以上係江南美容「PLANS CLINIC」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com