江南美食 | Bo Reum Sae
米芝蓮級韓牛你又食過未？頂級乾式熟成韓牛令你食過返尋味！
Hello，大家好，我哋係由韓國人每日提供最新韓國旅行資訊嘅Creatrip。
韓牛有幾出名相信唔洗小編講都知，不過你又知唔知道原來濟州出產嘅黑牛係最高級嘅呢？今日小編將會帶大家去韓國米芝蓮餐廳之一嘅濟州黑牛專門店「Bo Reum Sae」，睇吓到底有幾好食！
江南「Bo Reum Sae」資訊
- 地址：서울 강남구 테헤란로81길 36
- 營業時間：11:30 - 22:00（Break Time 15:00 - 17:00、Last Order 21:00）
- 可預約時間：12:00 - 21:00（預約時段以1小時為單位）
- 語言：韓文
江南「Bo Reum Sae」推薦原因
- 嚴選韓牛中最高等級嘅濟州黑牛，新鮮得嚟夠juicy！
- 連續7年被選定為米芝蓮餐廳，用獨家乾式熟成技術烹煮高質韓牛！
- 專業職員會直接幫客人燒牛肉，包保大家可以食到最嫩最juicy嘅韓牛！
- 餐廳裝修融合傳統同現代元素，氣氛夠好！
- 位於首爾市中心江南，交通夠方便之餘附近仲有好多地方可以行！
江南「Bo Reum Sae」價錢
現金券 | ₩50,000 |
江南「Bo Reum Sae」Menu
特級西冷 (400g) + 生牛肉 (100g) + Catena Zapata Catena Malbec紅酒 | ₩251,000 |
特級西冷 (400g) + 生牛肉 (100g) + 火堯燒酒 (17度/25度) | ₩215,000 |
特級西冷 (400g) + 特殊部位 (300g) + 生牛肉 (200g) | ₩247,000 |
江南「Bo Reum Sae」退款政策
| 預約後至到訪3日前取消 | 全額退款 |
| 到訪2日前取消 | 不設退款 |
江南「Bo Reum Sae」注意事項
- 請最少喺3日前完成預約，你亦可以喺60日前進行預約。
- 預約時請確保已選擇正確日期及時間。
- 預約時請購買現金券，到訪當日將會收取扣除現金券金額後最終消費金額。
- 請準時到達，如果遲到超過10分鐘，預約將自動被取消，屆時將不設退款。
- 嚴禁攜帶及進食外來食物。
- 如果想更改預約，或者有任何問題，請send email到help@creatrip.com查詢。
江南「Bo Reum Sae」預約流程
| STEP 1. | |
| STEP 2. | 請填寫所有相關資訊，我哋會喺1-2個工作天內確認預約，如果需要更改日期/時間我哋會另外通知你。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
江南「Bo Reum Sae」介紹
今日小編嚟到位於江南嘅韓牛專門店「Bo Reum Sae」，喺三成站行10分鐘就到！
「Bo Reum Sae」已經係連續第7年被選定為米芝蓮餐廳，到底有幾好食呢~ 真係令人好期待！
餐廳佔地面積大，無論係幾個人，定一大班人一齊嚟都冇問題！
上到2樓更加有12間獨立房，如果想享受私人時光，推薦大家上2樓。
餐廳入面更加有一邊牆貼滿韓國明星嘅簽名，連韓國美食節目《Tasty Road》都有嚟拍過！
另外呢度亦都有多款紅酒白酒等大家可以配住牛肉一齊食，鍾意飲葡萄酒嘅朋友們唔好錯過啦！
今日小編同朋友揀咗坐窗邊位，因為想食到更多部位，所以叫咗「特級西冷 (400g) + 特殊部位 (300g) + 生牛肉 (200g)」Set。
侍應首先會上小菜同生牛肉，小菜方面有冬菇、涼拌韭菜、野菜同沙律（根據季節會有所變動）。
生牛肉會連埋梨絲一齊上，牛肉本身調味夠惹味，加埋爽脆香甜嘅梨絲，無論係味道定口感都更加好！另外沙律菜都好新鮮，啱曬食牛肉前做開胃菜。
餐廳亦都有準備包飯醬、英國馬爾頓天然海鹽同Wasabi俾大家點肉食，大家可以根據個人喜好mix and match！
終於上主菜啦！「Bo Reum Sae」運用佢哋嘅獨家技術進行乾式熟成，令牛肉有另一層風味，同其他餐廳好唔同！
而且呢度仲要係用炭火，未食都已經超期待！
職員全程都會幫手燒肉，所以大家唔需要擔心自己會燒到乾曬！呢塊係特級西冷，見到油花分佈得咁靚真係流曬口水~
特殊部位方面有頸脊柳、排骨肉同腩包肉，呢三個部位都非常罕有，一隻牛先切得出幾塊肉，不過味道非常多層次，口感亦都同普通牛肉唔同！
雖然大家可以根據喜好決定燒到幾成熟，不過職員話韓牛最好唔好燒得咁熟，咁先可以食到更加juicy嘅牛肉！
小編推薦大家第一塊肉點少少海鹽食，咁就可以食到熟成韓牛嘅原汁原味啦！
呢度嘅涼拌韭菜同平時見到嘅好唔同，醬汁入面加入紫蘇，配埋韓牛食夠爽口！
小編個人最鍾意嘅部位係排骨肉！因為係熟成肉，所以一咬落去唔單止有勁多肉汁，仲會帶有微微嘅芝士香味！
大家亦都可以配埋醃野菜一齊食，酸酸地可以解膩！
大家一場嚟到韓國，如果想食返餐高級韓牛嘅話，推薦大家嚟「Bo Reum Sae」，體驗米芝蓮餐廳嘅美食！濟州島都有分店（叫Heuk So Rang），去濟州島玩嘅朋友們記住唔好錯過啦！
江南「Bo Reum Sae」前往方法
喺三成站（삼성역）5號出口出。
直行。
喺轉角位轉右。
直行。
過馬路之後繼續直行。
你會見到前面同左邊分別有一條斑馬線，喺呢度請轉左過馬路。
向右邊行。
過馬路，然後轉左。
直行。
喺右邊第二個路口轉入去。
直行。
你會見到上圖呢個招牌，喺呢度向右轉入去。
咁就去到「Bo Reum Sae」啦！
「Heuk So Rang（濟州）」前往方法
以上係江南「Bo Reum Sae」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com