景福宮韓服 | 玩天韓服

Hello，大家好，我哋係由韓國人每日提供最新韓國旅行資訊嘅Creatrip。

通常大家租完韓服都係去景福宮影相，所以景福宮附近真係有超多韓服租借鋪！今日就等小編帶大家去一間都幾出名嘅「玩天韓服」睇睇啦！

景福宮「玩天韓服」資訊

• 地址：서울 종로구 사직로 137 B1F
• 營業時間：09:00 - 19:00
• 可預約時間：09:00 - 16:00
• 語言：韓文、中文、簡單英文

景福宮「玩天韓服」推薦原因

• 價錢以時間計算，重點係無論租咩款式都係同一個價錢，收費夠透明！
• 提供超多款韓服，而且收費統一，大家可以自由揀！
• 難得嚟到韓國當然要瞭解呢度嘅歷史、深入體驗呢度嘅文化啦！
• 著住韓服去景福宮、北村韓屋村等觀光名勝影相留念，留低一個美好回憶！
• 位於景福宮站附近，交通夠方便！

景福宮「玩天韓服」價錢

景福宮「玩天韓服」退款政策

景福宮「玩天韓服」注意事項

• 請最少喺3日前完成預約，你亦可以喺60日前進行預約。
• 預約時請確保已選擇正確日期及時間。
• 揀韓服、試衫同set頭大約需要30分鐘。
• 未有提供化妝及拍攝服務。
• 免費服務：基本髮型服務、內襯裙、行李保管服務
• 付費服務：帽（₩2,000）
• 提供XS - 3XL size（胸圍最大150cm）嘅韓服。
• 每組客人需要放低1張身份證明文件做抵押，另外每人需要支付₩10,000保證金。
• 每遲30分鐘需要額外支付₩5,000，早還衫亦唔可以要求退款。
• 如希望加購其他商品，請喺現場支付所需金額。
• 如果需要現場俾錢，用信用卡付款都唔需要俾附加稅（與現金同價）。
• 因為上身衫會係半透視裝，請著白色短袖或者打底。
• 最多可以試著2套衫，之後每試多1次需要額外支付₩2,000。
• 如果整爛咗/整唔見咗件韓服，需要全額賠償。
• 冇得事前決定著邊款韓服，請喺現場即場揀。
• 如果遲到超過10分鐘或以上，預約將會自動取消，到時候你需要同walk-in客人一齊排隊等候。
• 如果想更改預約，或者有任何疑問，請send email到help@creatrip.com查詢。

景福宮「玩天韓服」預約流程

1. 請確保已選擇正確選項，並詳細輸入所有相關資訊及付款
2. 預約會即時成立，你可以喺我的頁面或者Email查看電子憑證
3. 體驗當日請準時到達，向職員出示預約記錄
4. 開始體驗！

撳我預約👇🏻

景福宮「玩天韓服」介紹

今日小編嚟到位於景福宮附近嘅「玩天韓服」，喺景福宮站一出就到！

入到去就會見到有超多韓服分顏色咁掛好，呢度提供傳統韓服、生活韓服同Fusion韓服等等嘅款式，重點係全部款式都係同一個價錢！所以預約完嚟到可以隨便揀！

呢度另外一個優點係可以試2套衫，咁就可以試完揀最鍾意嗰套啦！另外呢度張化妝台夠大，大家換完衫之後可以出嚟執一執樣，仲會有職員幫大家set頭！

因為「玩天韓服」位於景福宮站附近，所以大家換好衫之後就可以即刻出發去附近嘅景福宮同北村韓屋村！推薦大家可以喺石牆路同草地上影相打卡~

如果會同家人朋友一齊去，大家可以揀差唔多嘅款式，影合照嘅時候個效果會更加靚！如果大家唔知可以去邊度影相或者擺咩pose好，都可以參考以下圖片~

景福宮「玩天韓服」前往方法

景福宮站（경복궁역）4號出口出。

向出口反方向行。

喺轉角位轉左。

見到呢個入口之後落地下，就去到「玩天韓服」啦！

撳我預約👇🏻

以上係景福宮「玩天韓服」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com