景福宮/安國韓服 | 別宮址韓服
Creatrip精選韓服租借鋪！超過500款韓服任君選擇！
Hello，大家好，我哋係由韓國人每日提供最新韓國旅行資訊嘅Creatrip。
韓服係韓國嘅傳統服裝，以大自然為靈感，唔單止會運用多種顏色，更加會加添蝴蝶、花、水波等等嘅花紋，睇落優雅又有古典美！好多遊客嚟韓國玩嘅時候都會租返套去影相打卡同留念，今日就等小編介紹一間喺景福宮同安國都有分店嘅韓服租借鋪俾大家啦！
景福宮/北村「別宮址韓服」資訊
景福宮店
- 地址：서울 종로구 자하문로2길 7 2F
- 營業時間：09:00 - 19:00（逢星期二休息）
- 可預約時間：09:00 - 17:00
- 語言：韓文、中文、英文、日文
安國店
- 地址：서울 종로구 윤보선길 10 별궁터마당 2F
- 營業時間：09:00 - 19:00
- 可預約時間：09:00 - 17:00
- 語言：韓文、中文、英文、日文
景福宮/北村「別宮址韓服」推薦原因
- 兩間分店分別位於景福宮站同安國站附近，行去景福宮、昌慶宮、北村韓屋村等等嘅景點都好近！
- 提供超過500款韓服，無論係傳統韓服、Fusion韓服定特別韓服都通通有齊，梗有一款啱你心水！
- 難得嚟到韓國當然要瞭解呢度嘅歷史，親身體驗呢度嘅文化啦！
- 提供免費髮型服務同頭飾，經驗豐富嘅職員更加會按照你揀嘅韓服幫你度身訂造髮型！
- 著住韓服去景福宮、北村韓屋村等觀光名勝影相留念，可以留低一個特別回憶！
景福宮/北村「別宮址韓服」價錢
| 租借時間 | 女士韓服 | 男士韓服 | 價錢 |
| 2小時 | 女士傳統韓服 | 男士傳統韓服 | ₩18,000 |
| 女士Fusion韓服 | 男士高級韓服 | ₩28,000 | |
| 女士分叉裙韓服 | 男士主題韓服 | ₩33,000 | |
| 4小時 | 女士傳統韓服 | 男士傳統韓服 | ₩23,000 |
| 女士Fusion韓服 | 男士高級韓服 | ₩33,000 | |
| 女士分叉裙韓服 | 男士主題韓服 | ₩38,000 | |
| 全日 | 女士傳統韓服 | 男士傳統韓服 | ₩36,000 |
| 女士Fusion韓服 | 男士高級韓服 | ₩56,000 | |
| 女士分叉裙韓服 | 男士主題韓服 | ₩66,000 | |
| 小童韓服 | ₩20,000 | ||
※女士Fusion韓服：蝴蝶結裙
※男士主題韓服：兩班、皇帝、護衛武士、使道服裝
景福宮/北村「別宮址韓服」退款政策
| 預約後至體驗1日前取消 | 全額退款 |
| 當日取消 | 不設退款 |
景福宮/北村「別宮址韓服」注意事項
- 請最少喺3日前完成預約。
- 預約時請確保已選擇正確日期及時間。
- 揀韓服、試衫同set頭大約需要30分鐘。
- 免費服務：髮型服務、頭飾、行李保管服務（如空間已滿，將無法提供上述服務）
- 付費服務：特別髮型服務（₩5,000）
- 未有提供化妝及拍攝服務。
- 提供 44-150 size嘅韓服，同時亦提供1-13歲小童韓服。
- 每遲30分鐘需要額外支付₩5,000，早還衫亦唔可以要求退款。
- 如希望加購其他商品，請喺現場支付所需金額。
- 如果想升級至更高級嘅韓服，需要支付額外費用（以現場價錢為準）。
- 如果需要現場俾錢，用信用卡付款都唔需要俾附加稅（與現金同價）。
- 因為上身衫會係半透視裝，請著白色短袖或者打底。
- 唔需要用身份證明文件/保證金做抵押。
- 如果發現韓服上有飲品/食物污跡、油跡或輕微撕爛情況，需要支付₩30,000罰款。
- 如果你整唔見咗件韓服或者出現嚴重損毀，需要全額賠償。
- 冇得事前決定著邊款韓服，請喺現場即場揀。
- 最多可以試著1次。
- 如果想更改預約，或者有任何疑問，請send email到help@creatrip.com查詢。
景福宮/北村「別宮址韓服」預約流程
| STEP 1. | 別宮址韓服（景福宮店）| 撳我預約 別宮址韓服（安國店） | 撳我預約 |
| STEP 2. | 請填寫所有相關資訊，預約會即時成立。 |
| STEP 3. | 體驗當日請準時到達，向職員出示預約記錄。 |
| STEP 4. | 開始體驗！ |
景福宮/北村「別宮址韓服」介紹
今日小編想向大家介紹一間叫「別宮址韓服」嘅韓服租借鋪！呢間鋪頭喺景福宮站同安國站附近都有分店，兩間都係一出站唔洗行1分鐘就到，非常方便！小編早前就去咗安國店，喺遠處就已經可以見到呢棟建築物！
鋪頭環境夠闊落，而且放滿超多韓服，無論係傳統韓服、Fusion韓服定特別韓服都通通有齊，梗有一款啱你心水！
如果想升級到比較高級嘅韓服就要喺現場另外俾錢，另外要注意因為呢度只可以試著一次，所以大家揀嘅時候要諗清楚啊！
「別宮址韓服」嘅其中一個優點係會提供免費髮型服務同頭飾，由傳統韓服髮帶到加入現代元素嘅頭箍都有，大家可以自由揀！
而且職員都會好sweet咁幫你整返個襯返你套韓服嘅髮型，無論係影正面定背面都會更加上鏡！
租完韓服就當然係要四周圍去影相啦！如果大家係去景福宮店，行幾步路就可以去到景福宮影相打卡；如果大家係去安國店，仲可以去埋昌慶宮、北村韓屋村同昌德宮等等嘅景點！
大家都知道韓國四季分明，每一個季節租韓服去影相都可以影出唔同嘅感覺！無論係第一次嚟韓國嘅朋友，定係之前已經嚟過嘅朋友，小編都非常推薦大家嚟「別宮址韓服」租返套韓服影相留念！
景福宮/北村「別宮址韓服」前往方法
景福宮店
安國店
以上係景福宮/北村「別宮址韓服」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com