弘大美食 | 夏威夷烤貝殼
喺弘大都可以食到超新鮮海鮮！份量大、免開瓶費，仲有免費即食麵？
Hello，大家好，我哋係由韓國人每日提供最新韓國旅行資訊嘅Creatrip。
有冇朋友嚟韓國玩都鍾意去食燒貝殼呢！燒貝殼同普通香港炒或者蒸嘅貝殼又有另一種魅力，今日就等小編介紹一間燒貝殼專門店俾大家啦！
弘大「夏威夷烤貝殼」資訊
- 地址：서울 마포구 와우산로21길 19-8 태경빌딩 B1F
- 營業時間：12:00 - 00:00
- 可預約時間：星期日至四 12:00 - 23:00（預約時段以1小時為單位）
- 語言：韓文、英文
弘大「夏威夷烤貝殼」推薦原因
- 夏威夷風嘅裝修配上韓式燒貝殼，超特別！
- 除咗貝殼，仲有龍蝦、蟹等等多款海鮮，可以食盡新鮮海鮮！
- 飲酒唔需要開瓶費之餘仲提供紅酒、Highball等各種酒類飲品，另外即食麵都係免費，可以盡情享受美酒佳餚！
- 位於弘大入口站、上水站同合井站中間，交通夠方便！
弘大「夏威夷烤貝殼」價錢
訂金 | ₩20,000 |
弘大「夏威夷烤貝殼」Menu
燒貝殼套餐（2人） | ₩89,000 |
燒貝殼套餐（4人） | ₩129,000 |
貝殼火鍋套餐（2人） | ₩89,000 |
燒貝殼套餐（2人） | ₩129,000 |
燒龍蝦套餐 | ₩199,000 |
花蟹湯套餐（2人） | ₩117,000 |
蒸花蟹套餐（4人） | ₩117,000 |
花蟹豪華套餐（4人） | ₩199,000 |
※套餐餐點可能會根據季節而有所改動。
弘大「夏威夷烤貝殼」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
弘大「夏威夷烤貝殼」注意事項
- 請最少喺3日前完成預約，你亦可以喺60日前進行預約。
- 預約時請確保已選擇正確日期及時間。
- 請準時到達，如果遲到超過10分鐘，預約將自動被取消，屆時將不設退款。
- 嚴禁攜帶及進食外來食物。
- 到訪當日付款時將會收取扣除訂金後餘下金額。
- 如果想更改預約，或者有任何問題，請send email到help@creatrip.com查詢。
弘大「夏威夷烤貝殼」預約流程
| STEP 1. | |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
弘大「夏威夷烤貝殼」介紹
今日小編帶大家嚟到「夏威夷烤貝殼（Hawaii Shellfish）」，呢間分店位於弘大入口站、上水站同合井站附近，大家喺弘大行完街之後去食都好方便！
鋪頭門口有幾個大魚缸，入面有好多款貝殼、龍蝦同蟹，而且水都好清，大家都可以食得安心啲！
餐廳內部裝修以夏威夷為主題，而且因為樓底夠高，所以整體感覺非常開揚！
小編覺得呢度其中一個最大優點係唔需要開瓶費，而且仲有免費即食麵，大家可以盡情飲飽食醉！
首先燒貝殼套餐（2人）嘅第一碟嘢食係各種貝殼同魷魚，仲有一碗迷你辣炒年糕！
之後仲會上埋青口湯同第二碟嘢食，上面有蝦、帶子同扇貝，仲有兩款意粉！呢個set份量好多，而且有好多款嘢食！
貝殼火鍋套餐（2人）
而貝殼火鍋套餐（2人）就會有扇貝、章魚、蝦、鮑魚同各種貝殼類，冬天想飲熱湯就啱曬啦，記住最後仲可以煮埋即食麵食！
小編之前都有去過唔少燒貝殼餐廳，「夏威夷烤貝殼」嘅CP值真係超高，唔單止食材夠新鮮，呢個價錢可以食到咁多款+份量咁大嘅海鮮真係好難得！
如果大家需要幫忙，可以叫侍應幫大家燒，咁就唔洗怕會燒唔熟或者燒到太韌啦！
小編仲另外叫多咗份活章魚，因為係新鮮劏嘅，所以上菜嘅時候都仲郁緊！點少少麻油食會更加香~
貝殼開口之後就可以食啦！大家可以就咁食去享受海鮮嘅原汁原味，或者可以點豉油、醋辣椒醬同Wasabi食！新鮮燒好嘅貝殼真係好juicy同啖啖肉！
食完之後可以將空貝殼放落隔離個桶入面，咁就唔會咁阻埞啦！
Set入面仲包一份迷你辣炒年糕、一份白汁意粉同一份茄汁意粉，3樣嘢食都意外地同燒貝殼夾，而且大家可以食得更加飽肚！
小編個人覺得芝士燒扇貝最好食，扇貝肉夠juicy彈牙，加埋芝士香味真係好正（小編最後忍唔住叫多咗碟XD）！
跟餐嘅青口湯份量都好大，而且每粒青口都好飽滿，湯頭更加會越煮越鮮甜！
大家仲可以另外加點海鮮刀削麵，加入各種貝殼同蔬菜一齊煮嘅湯頭味道濃郁，而且份量都好多！
最後當然唔少得要食埋即食麵啦！呢度有好多款麵可以揀，建議大家可以放落頭先個青口湯度煮，咁就會有種食緊超濃嘅海鮮公仔麵嘅感覺~ 記住唔好落曬成包湯粉啊！
如果大家都鍾意食海鮮，又唔想成日都係去同一間餐廳，非常推薦大家嚟「夏威夷烤貝殼」！
弘大「夏威夷烤貝殼」前往方法
喺弘大入口站（홍대입구역）9號出口出。
直行。
行到十字路口之後直行過馬路。
轉左。
直行。
然後過兩條斑馬線。
見到下一條斑馬線之後轉右，行入弘大大街。
直行。
轉入左邊第一條巷仔。
直行。
跟住上圖方向繼續行。
直行。
去到分叉路之後行左邊條路。
繼續行入去。
直行。
去到十字路口轉右。
直行。
轉入左邊第一條巷仔。
直行。
「夏威夷烤貝殼」會喺你嘅左邊！
以上係弘大「夏威夷烤貝殼」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com