江南專業攝影 | THE THIRD MIND STUDIO
由韓國明星御用攝影師Kim Boha操刀！嚟THE THIRD MIND STUDIO留低你最亮麗動人嘅瞬間啦！
Hello，大家好，我哋係由韓國人每日提供最新韓國旅行資訊嘅Creatrip。
相信好多朋友都會想影返一輯個人照，捕捉自己最靚嘅瞬間，或者留低一個難忘嘅回憶。難得嚟到出名影相靚嘅韓國，當然要好好把握呢個機會啦！今日小編要介紹嘅攝影工作室「THE THIRD MIND STUDIO」提供妝髮、服裝同專業攝影一條龍服務，而且仲係由韓國明星御用攝影師幫你影相！
江南「THE THIRD MIND STUDIO」資訊
- 地址：서울 강남구 언주로152길 16
- 營業時間：10:00 - 19:00
- 可預約時間：10:00 - 17:00
- 語言：英文
江南「THE THIRD MIND STUDIO」推薦原因
- 呢度嘅攝影師同化妝師幫過超多出名韓星影婚紗相同化妝，可以享受明星同級待遇！
- 提供專業妝髮服務，捕捉你最靚嘅瞬間！
- 可以體驗明星影雜誌相嘅感覺，做返一日韓星！
- 難得有專業化妝師幫你化妝影完相之後當然要可以去其他景點，用最靚嘅妝四周圍影相打卡！
江南「THE THIRD MIND STUDIO」價錢
| 選項 | 價錢 |
| Kim Boha攝影師 | ₩1,320,000/人 (1320000/人) |
| 室長級 攝影師 | ₩550,000/人 (550000/人) |
※價錢包括：妝髮服務、個人形象照拍攝、5張最終修圖成品及原圖
※化妝set頭需時60分鐘；拍攝大約需要60-90分鐘
※相簿製作需另外加錢
江南「THE THIRD MIND STUDIO」退款政策
預約後至體驗7日前取消 | 全額退款 |
體驗6日前取消 | 不設退款 |
江南「THE THIRD MIND STUDIO」參考圖片
江南「THE THIRD MIND STUDIO」注意事項
- 請最少喺7日前完成預約。
- 預約時請確保已選擇正確日期及時間。
- 請務必準時到達，如果遲到超過10分鐘，預約將自動取消，屆時將不設退款。
- 體驗當日請自行準備拍攝服裝，建議可以準備多幾套，攝影師會從中揀1-2套幫你影相。
- 現場提供女士婚紗及男士西裝禮服免費租借服務，如有需要請send email到help@creatrip.com通知我哋。
- 如希望租借其他服裝，請事先透過help@creatrip.com查詢，體驗當日喺現場支付所需費用。
- 所有相會喺一個禮拜後透過email send俾你（原圖 + 每套衫5張修圖後最終成果）。
- 如果想更改預約，或者有任何問題，請send email到help@creatrip.com查詢。
江南「THE THIRD MIND STUDIO」預約流程
- 請確保已選擇正確選項，並詳細輸入所有相關資訊及付款
- 我哋會喺1-2個工作天內確認預約，如果需要更改日期/時間我哋會另外通知你
- 體驗當日請準時到達，向職員出示預約記錄
- 開始體驗！
撳我預約👇🏻
江南「THE THIRD MIND STUDIO」介紹
「THE THIRD MIND STUDIO」嘅創辦人「Kim Boha」攝影師係韓國最頂級攝影師之一，喺韓國同海外都非常出名，更加係全智賢、孫太英&權相佑夫婦、李炳憲&李珉廷夫婦、黃正音等韓星嘅婚紗相攝影師！
大家上「THE THIRD MIND STUDIO」官網就可以睇到攝影師更多作品，真係會發現到好多熟悉嘅面孔！
而今日小編就親身嚟到位於江南嘅工作室，體驗專業攝影服務。「THE THIRD MIND STUDIO」係一間專門影婚紗相嘅攝影公司，不過有好多明星都會嚟影個人形象照、雜誌相同廣告相！
通過「Gallery Now」入口行入去之後，就會見到一個好似哈利波特電影入面會出現嘅場景，大家可以喺度自己影返幾張相打卡留念。
行去拍攝場地嘅途中會行入一個畫廊，大家可以順便欣賞呢度嘅作品。
2樓係拍攝場地，化完妝、Set好頭之後就會落嚟換衫影相。
3樓係工作室同化妝室。唔講唔知，原來呢棟建築物係40年前由「Kim Boha」攝影師自己起嘅，所以非常有懷舊復古嘅感覺！
等緊嘅時候小編都有見到四周圍放滿攝影師嘅作品，當中全智賢嘅相真係超引人注目！
行到最入面就係化妝室，化妝台上面有好多化妝品，而右邊更加有「cheongdam30」嘅產品，聽講呢個牌子連喺出名難進駐嘅日本百貨公司都有上架，質素有保證！
正式開始化妝之前，化妝師幫小編做咗個簡單嘅Personal Colour Test！化妝師會根據呢個結果，幫客人用最襯佢嘅顔色化妝。
然後就正式開始啦！上底妝之前，化妝師幫小編搽咗3層「cheongdam30」嘅All-in-one精華，搽完之後塊面會更加透亮，而且底妝會更加持久，唔會點溶妝！
化妝師仲幫小編執咗條眉，好細心。
小編發現呢度嘅化妝方式真係好特別，通常都係上完底妝先再化其他部位，不過Victoria Ahn化妝師幫小編搽完精華之後就直接開始搽睫毛膏、上眼影、畫眼線同眉毛！而今次小編嘅妝係行自然同清純路線，大家可以期待最終成果！
差唔多化完妝嘅時候就會開始整頭髮~ 化妝師同髮型師都好nice，過程中亦都一直有同小編傾偈，完全唔會覺得尷尬。化好妝、整好頭髮之後就可以落2樓啦！
呢套係小編嘅第一套衫，換好衫之後化妝師同髮型師都會幫手再執一執個妝同頭髮。
跟住就係「Kim Boha」攝影師出場嘅時候啦！攝影師只係影咗幾張相，就幫小編搵到最靚嘅角度同表情，超神奇！（化妝師頭先有偷偷同小編講，如果影相嘅時候唔知擺咩pose，或者覺得肢體動作好尷尬，將隻手放入褲袋會好好多，又真係work喎XD）
每影一張相都可以直接透過呢個大mon即時睇到，攝影師都會不斷俾feedback。
而且每套衫都會去幾個唔同嘅位影相，影到咁上下就會叫你去換第二套。
小編嘅第二套係比較女性化嘅白色長裙，拍攝途中髮型師會一直幫手整理頭髮，真係好有一種做咗明星嘅感覺！
就算係同一個地方，攝影師都會用唔同角度去影，中途亦都會一齊睇吓個效果點，攝影師亦都會揀幾張佢覺得最靚嘅shot俾大家睇。
如果動作太僵硬，攝影師會親自教你點擺pose，果然專家真係唔同！
影完第二套衫之後，成個拍攝就完啦，1個禮拜之後就可以收到原圖同修圖後版本（總共8張）！
Before
After
呢個係小編化妝前同化妝後嘅效果，係唔係好自然呢？最神奇嘅係，有化妝嗰張相其實係喺上完妝11個鐘頭之後影嘅，完全冇補過妝都仲係勁完整！睇嚟之後如果有機會去免稅店，真係要買返支頭先用嘅「cheongdam30」精華XD
原圖
小編收到相嘅當日真係超surprise！上面呢幾張雖然冇P過，但係出嚟個效果都好靚，小編超滿意！
經過修圖效果
而經過修圖嘅相嘅色調同感覺會比較似平時嘅雜誌相，冇諗過小編有一日都可以影到啲咁高質嘅相！
雖然「THE THIRD MIND STUDIO」嘅價錢比較貴，不過可以俾韓星御用化妝師同攝影師幫自己化妝同影相，效果亦都有保證，小編個人覺得非常值得！
撳我預約👇🏻
以上係江南專業攝影「THE THIRD MIND STUDIO」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com