韓國上網/電話卡｜親故通信預付SIM卡（機場、門市領取/韓國境內郵寄）

Hello，大家好，我哋係由韓國人每日提供最新韓國旅行資訊嘅Creatrip。

無論係去旅行又好留學又好，呢啲時候又點可以少咗一張電話卡呢？今日小編想同大家分享一個超平又好用嘅sim卡，佢唔單止上網夠快，而且價錢仲好平，好多在韓留學生都用佢，如果大家之後有計劃留喺韓國耐啲，都好推薦大家用佢！

等陣❗
你入手咗Creatrip優惠券禮品包未呢？

買一套就可以喺全個網站用🎉
你而家準備要預約嘅SIM卡都有85折優惠！

撳我睇詳情

「親故通信預付SIM卡」推薦原因

• 有得揀門市攞或者寄韓國地址，梗有一個方法啱你！
• 如果揀郵寄，只要係韓國地址都可以送到，無論係酒店定其他住宿都可以，唔洗特登去門市攞！
• 可以揀喺仁川機場同首爾市中心（弘大、新村、建大等）分店拎卡，而且之後有問題都可以直接同佢哋聯絡！
• 提供30日至180日等多款選項，啱曬需要長期用電話卡嘅你！
• 透過Creatrip預約更加可以享有獨家優惠，用更實惠嘅價錢買SIM卡！
• 可以用中文或者英文直接同職員溝通！
• 可以申請延長使用期限，而且用護照就可以開通，之後仲可以用外國人登錄證做實名認證！

「親故通信預付SIM卡」配置及價錢

※本頁面所標示嘅價錢以韓幣為準，港幣幣值會因應即時匯率而浮動

使用時間計算方法

※使用時間以開通起開始計算
※如果揀郵寄，寄俾你嘅前1日會先進行開通程序，所以使用時間將會由領取日期前一日開始計算

「親故通信預付SIM卡」注意事項

[全選項適用]

• 請最少喺2日前完成預約，你亦可以喺30日前進行預約。
• 只接受領取3日前取消預約及申請退款，其後恕不受理。
• 優惠價只限透過Creatrip網頁購買人士享用，去門市買價錢會唔同。
• 只接受居韓人士，或近期內將入境韓國人士購買。
• 透過Creatrip購買時只接受用護照開通，如持有外國人登錄證，請直接向親故通信查詢。
• 1本護照最多可以買3張SIM卡。
• 你所預約嘅日期為領取SIM卡日期。
• 預約時請務必填寫所有相關資料，亦需要根據指示上傳護照相（唔接受掃描版本）同可以證明係你本人嘅相片。
• 如果你仍未入境韓國，請事前話俾我哋知你會幾時到達，SIM卡開通日期會以入境當日起計。
• 因為呢張係預付SIM卡，所以唔可以解除或者停止，如果需要延長有效日期，請自行聯絡親故通信。
• 30日/60日/90日SIM卡唔可以用優惠價延長使用日期，如果之後想延長嘅話請選擇120日或以上選項。
• 如果係用護照開通，PLAN A及PLAN C SIM卡一出境就會自動失效；PLAN B SIM卡出境後唔會失效，只要未過期都仍然可以照常使用。
• 揀PLAN A/C嘅話，當用哂300MB之後系統會自動send一條短信通知你數據用完，大家可以無視，繼續享用3Mbps/秒速度無限上網服務。
• 親故通信會喺分店營業時間（11:00 - 19:30）內幫大家按順序開通SIM卡，通常1-2個鐘內就會完成開通，如果想快啲開通到，可以直接聯絡親故通信（韓國公眾假期除外）。
• 如果開通之後仍然上唔到網，請重新插入SIM卡同重新開機3-4次。
• SIM卡一經開通，你喺94日內唔可以再次購買同開通新嘅SIM卡。
• 領取後如果SIM卡出現任何問題，或有任何疑問，請直接聯絡Creatrip或親故通信客服中心。

[門市領取注意事項]

• 預約時請揀要去邊個門市。
• 如果你仍未入境韓國，請事前話俾我哋知你會幾時到達，SIM卡開通日期會以入境當日起計。
• 如果需要更改門市，請send email到help@creatrip.com查詢。

[機場領取注意事項]

• 如果你仍未入境韓國，請事前話俾我哋知你會幾時到達，SIM卡開通日期會以入境當日起計。
• 如選擇機場領取，可開通SIM卡時間為11:00~19:30，其餘時間只提供領取服務。

[韓國境內郵寄注意事項]

• 預約時請務必填寫所有相關資料及輸入詳細地址（包括樓層及房號）。
• 預約時建議填寫可供聯絡嘅韓國電話號碼（如有）。
• 如果揀郵寄，寄俾你嘅前1日會先進行開通程序，所以使用時間將會由領取日期前一日開始計算，領取後可以即時使用。
• 郵寄出貨時間為星期一至五 17:00，大約需要1-2日時間送到（濟州地區需要3-4日）
• 郵寄可能會因情況而遲1~2日送到。

「親故通信預付SIM卡」網上客戶服務

• 你可以scan以下QR CODE或者前往www.chingumobile.channel.io聯絡親故通信客戶服務中心

「親故通信預付SIM卡」適用手機型號

• iPhone：iPhone 7及其後推出機種
• Andriod：2016年後出產機種、系統須為OS 6.0或以上
• 其他手機：小米、華為 2016年後出產機種
• 需要有SIM卡槽方可使用。
• 唔支援已開啟SIM卡鎖功能（Country Lock）嘅手機，事前請先確認並解鎖（可以參考下方確認方法）。
• 預約前請確認好適用手機型號，如果係因為唔啱用而申請取消，恕不設任何退款。
• 如果上述並未有提及到你嘅手機型號，請自行向電話公司查詢。

「親故通信預付SIM卡」預約流程

「親故通信預付SIM卡」使用方法

SIM卡使用方法

1. 搵出手機SIM卡槽位置
2. 將SIM卡針拮入個窿入面，拎出SIM卡槽
3. 按照手機SIM卡槽大細，將你攞到嘅SIM卡晶片拆成適當size
4. 將SIM卡放落SIM卡槽
5. 將SIM卡槽放返入手機
6. 重新開機
7. 根據手機畫面指示完成設定
8. 確認已經收到信號同用到網絡之後就搞掂啦！

確認Country Lock方法

1. 設定 ➜ 一般 ➜ 關於本機

2. 如果見到入面寫住「無SIM卡限制」就代表你部手機已經解除咗Country Lock

3. 如果你部手機嘅SIM卡鎖功能處於開啟狀態，請聯絡你嘅電訊公司進行解除

「親故通信預付SIM卡」機場/門市領取地點

機場櫃檯_{（營業時間：每日 07:00 - 21:00）}

仁川機場T1

• 位置：仁川機場T1入境大樓 1F Gate 7附近書店

仁川機場T2

• 位置：仁川機場T2 3樓 F櫃台附近書店

市區門市_{（弘大/明洞/聖水店營業時間：11:00 - 19:30；其他門市營業時間：星期一至六 11:00 - 19:30）}

• 弘大店：서울시 마포구 홍익로 10 2F
• 新村店：서울시 서대문구 이화여대길 62
• 建大店：서울시 광진구 아차산로30길 31
• 慶熙大店：서울시 동대문구 경희대로 4
• 惠化店：서울시 종로구 성균관로 8-1
• 中央大店：서울시 동작구 흑석로 97
• 高麗大店 : 서울시 성북구 고려대로 104
• 明洞店：서울시 중구 명동4길 46 1F
• 聖水店：서울시 성동구 왕십리로58 7F 710호

「親故通信預付SIM卡」Q&A

Q1：用曬之後想延長使用日期，可以點做？

A： 請直接聯絡親故通信，聯絡方法請撳我。

Q2：用完之後加日子價錢係唔係都一樣？

A：唔係，追加日子價錢會變為原價，價錢係幾多要直接問親故通信，聯絡方法請撳我。

Q3：可唔可以實名認證？

A：可以！但係要用外國人登錄證開通先得，如果一開始用護照開之後想轉外國人登錄證登記，要直接去門市同職員講，之後就可以進行實名認證，電話號碼亦唔會轉。

Q4：唔開通實名認證得唔得？

A： 得，但可能生活上會比較麻煩，因為韓國好多地方用QR code或網上買嘢都一定要實名認證，唔用嘅話相對冇咁方便。

Q5：用完張卡之後可以點處理？

A：用完直接揼咗佢就可以。

Q6：如果揀門市，係唔係一定要指定一間？

A：一開始開通嘅時候係，不過之後有問題，去任何一間門市問都可以。

Q7：如果想轉門市地址拎可以點做？

A：如果想轉其他門市拎，請先send email到help@creatrip.com話俾我哋知，我哋同鋪頭確認完之後會再覆你。

Q8：可以點聯絡親故通信？

A：可以用FACEBOOK同佢哋聯絡，中文（撳我）、英文（撳我）。

撳我預約👇🏻

以上係「親故通信預付SIM卡（門市領取/韓國境內郵寄）」介紹，有任何問題請先詳閱呢篇文章。

如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購

Mail：help@creatrip.com